Ստիպե՛նք շարունակել “գայկա ձգելու” պրոցեսը
link to the English translation.
Ռոբերտ Քոչարյանն ու Սերժ Սարգսյանը իրենց կողմից իրականացվող ռեպրեսիաների մասին խոսելիս “աշխատանքային” խոսակցությունների ժամանակ այդ պրոցեսը բնորոշում են որպես “գայկա ձգել”: Այսինքն, երբ պիտի ասեն, թե նոր ռեպրեսիաներ պետք է իրագործել, ասում են` գայկաները պետք է ձգել: ՀՀ առաջին նախագահ Լեւոն Տեր-Պետրոսյանի ղեկավարած շարժումը սկսելուն պես, Քոչարյանը եւ Սարգսյանը բազմիցս իրենց շրջապատում ասել են. “Ոչինչ, հեսա գայկաները մի քիչ էլ կձգենք ու ամեն ինչ կվերջանա”:
Նման արտահայտություն, որ վերաբերվել է ՀՀ առաջին նախագահին նրանք առաջին անգամ արել են 2007 թվականի հոկտեմբերի 26-ին, հանրահավաքից հետո իրենց անհանգստացած շրջապատին հանգստացնելու համար: Ու Լեւոն Տեր-Պետրոսյանի առաջին հանրահավաքից ի վեր ավազակապետական զույգը ստիպված է ձգել գայկաները: Այս ընթացքում տասնյակ հազարավոր մարդիկ սպառնալիքներ են ստացել, բերման են ենթարկվել, շատերը զրկվել են աշխատանքից, առնվազն ութ մարդ` կյանքից: Արտակարգ դրությունը “գայկա ձգելու” ամենացայտուն օրինակն էր եւ գագաթնակետը: Բայց դրանից հետո էլ զույգը ստիպված է “գայկա ձգել”, մարդկանց զբոսանքը Երեւանի կենտրոնում հսկելով սաղավարտավոր-մահակավոր ոստիկաններով, նորանոր ձերբակալություններով: Այսինքն ավազակապետությունը շարունակում է ձգել իշխանական մեքենայի գայկաները:
Եւ ուրեմն, ի՞նչ պետք է անենք մենք` ՀՀ քաղաքացիներս: Մենք չպետք է թույլ տանք, որ զույգը գայկա ձգելու այս պրոցեսից դուրս գա, որովհետեւ քանի դեռ գայկա ես ձգում, մեքենան քշել չես կարող: Եւ հետո` գայկաները կտրվելու, այսինքն կոտրվելու հատկություն ունեն: Դա տեղի է ունենում այն ժամանակ, երբ գայկաները ձգում ես ավելի, քան դրանք կարող են ձգվել: Քոչարյանասերժական գայկաները հասել են այս սահմանագծին ու որպեսզի դրանք կտրվեն, հարկավոր է նրանց ստիպել, որ շարունակեն ձգման գործընթացը: Ինչպե՞ս:
Ամենակարեւորը, իհարկե, ամենօրյա զբոսանքներն են Ազատության հրապարակի մերձակայքում: Սա հիմնական գործն է, որ մենք բոլորս պետք է անենք:
Երկրորդը` պետք է կազմակերպել ավելի փոքր ակցիաներ: Պետք է շարունակել DVD գործունեությունը, հանրությանը մատուցելով օբյեկտիվ վիզուալ տեղեկատվություն: Եւ այլն եւ այսպես շարունակ:
Կարճ ասած, ավազակապետական զույգը պետք է ստիպված լինի շարունակել “գայկա ձգելու” պրոցեսը: Մյուս կողմից, վերը նշված ակցիաները կծառայեն մեծ հանրահավաքի նախապատրաստմանը, որի օրը եւ տեղը որոշում է Լեւոն Տեր-Պետրոսյանը: Ու մինչ վերջինս որոշում է կայացնում, մեզնից յուրաքանչյուրը պետք է Քոչարյանին ու Սերժին պահի “գայկա ձգողի” կարգավիճակում:
Պայքար, պայքար մինչեւ վերջ:
Նիկոլ Փաշինյան
Ռոբերտ Քոչարյանն ու Սերժ Սարգսյանը իրենց կողմից իրականացվող ռեպրեսիաների մասին խոսելիս “աշխատանքային” խոսակցությունների ժամանակ այդ պրոցեսը բնորոշում են որպես “գայկա ձգել”: Այսինքն, երբ պիտի ասեն, թե նոր ռեպրեսիաներ պետք է իրագործել, ասում են` գայկաները պետք է ձգել: ՀՀ առաջին նախագահ Լեւոն Տեր-Պետրոսյանի ղեկավարած շարժումը սկսելուն պես, Քոչարյանը եւ Սարգսյանը բազմիցս իրենց շրջապատում ասել են. “Ոչինչ, հեսա գայկաները մի քիչ էլ կձգենք ու ամեն ինչ կվերջանա”:
Նման արտահայտություն, որ վերաբերվել է ՀՀ առաջին նախագահին նրանք առաջին անգամ արել են 2007 թվականի հոկտեմբերի 26-ին, հանրահավաքից հետո իրենց անհանգստացած շրջապատին հանգստացնելու համար: Ու Լեւոն Տեր-Պետրոսյանի առաջին հանրահավաքից ի վեր ավազակապետական զույգը ստիպված է ձգել գայկաները: Այս ընթացքում տասնյակ հազարավոր մարդիկ սպառնալիքներ են ստացել, բերման են ենթարկվել, շատերը զրկվել են աշխատանքից, առնվազն ութ մարդ` կյանքից: Արտակարգ դրությունը “գայկա ձգելու” ամենացայտուն օրինակն էր եւ գագաթնակետը: Բայց դրանից հետո էլ զույգը ստիպված է “գայկա ձգել”, մարդկանց զբոսանքը Երեւանի կենտրոնում հսկելով սաղավարտավոր-մահակավոր ոստիկաններով, նորանոր ձերբակալություններով: Այսինքն ավազակապետությունը շարունակում է ձգել իշխանական մեքենայի գայկաները:
Եւ ուրեմն, ի՞նչ պետք է անենք մենք` ՀՀ քաղաքացիներս: Մենք չպետք է թույլ տանք, որ զույգը գայկա ձգելու այս պրոցեսից դուրս գա, որովհետեւ քանի դեռ գայկա ես ձգում, մեքենան քշել չես կարող: Եւ հետո` գայկաները կտրվելու, այսինքն կոտրվելու հատկություն ունեն: Դա տեղի է ունենում այն ժամանակ, երբ գայկաները ձգում ես ավելի, քան դրանք կարող են ձգվել: Քոչարյանասերժական գայկաները հասել են այս սահմանագծին ու որպեսզի դրանք կտրվեն, հարկավոր է նրանց ստիպել, որ շարունակեն ձգման գործընթացը: Ինչպե՞ս:
Ամենակարեւորը, իհարկե, ամենօրյա զբոսանքներն են Ազատության հրապարակի մերձակայքում: Սա հիմնական գործն է, որ մենք բոլորս պետք է անենք:
Երկրորդը` պետք է կազմակերպել ավելի փոքր ակցիաներ: Պետք է շարունակել DVD գործունեությունը, հանրությանը մատուցելով օբյեկտիվ վիզուալ տեղեկատվություն: Եւ այլն եւ այսպես շարունակ:
Կարճ ասած, ավազակապետական զույգը պետք է ստիպված լինի շարունակել “գայկա ձգելու” պրոցեսը: Մյուս կողմից, վերը նշված ակցիաները կծառայեն մեծ հանրահավաքի նախապատրաստմանը, որի օրը եւ տեղը որոշում է Լեւոն Տեր-Պետրոսյանը: Ու մինչ վերջինս որոշում է կայացնում, մեզնից յուրաքանչյուրը պետք է Քոչարյանին ու Սերժին պահի “գայկա ձգողի” կարգավիճակում:
Պայքար, պայքար մինչեւ վերջ:
Նիկոլ Փաշինյան
No comments:
Post a Comment