Thursday, November 27, 2008

Banditocracy and the Ruling Party Members.

Pictured is Artak Jagharian, a big shot of the ruling Republican Party in the town of Ijevan. He allegedly organized and executed the murder of Valeri Aghinian whom he allegedly owed a large amount of money. After the murder and the looting of Mr. Aghinian's belognings, he allegedly paid off a few other of his creditors and then went to work.

Valeri Aghinian's body was later discovered near the White Lake in Ijevan by group of people taking a stroll there.

UPDATE: Haykakan Zhamanak has the details of the murder.

Իջեւան. սպանել է ու գնացել դասի

Իջեւանում կատարված սպանությունը նույնպես բարձրագույն ուսումնական հաստատության աշխատակցի անվան հետ է կապվում: Երեւանի պետական համալսարանի Իջեւանի մասնաճյուղի տնտեսագիտության ֆակուլտետի դեկան, 31-ամյա Արտակ Ճաղարյանը սպանել է 44-ամյա Վալերի Աղինյանին, ով, ինչպես ասում են, փող փոխող էր: Նրանց միջեւ գումարային խնդիրներ են եղել: Ոստիկանության հաղորդած տեղեկությունների համաձայն, ահազանգ ստանալուց եւ օպերատիվ խմբի դեպքի վայր մեկնելուց հետո "Սպիտակ ջուր" կոչվող տարածքում հայտնաբերվել է Աղինյանի դիակը: Արտաքին զննությամբ դիակի կրծքավանդակի եւ որովայնի մասերում հայտնաբերվել են որսորդական հրացանից արձակված գնդակի կոտորակների թողած վնասվածքների հետքեր: Օպերատիվ-հետախուզական միջոցառումների արդյունքում պարզվել է նաեւ, որ Վալերի Աղինյանի մոտ եղել է 8-10 մլն դրամ: Ըստ հաղորդագրության, Արտակ Ճաղարյանը Իջեւանի "Մարմար" ռեստորանի մոտ առավոտյան սպանել է Աղինյանին ու հափշտակել նրա մոտ եղած գումարը: Դրանից հետո Անուշ Բ-ին պատկանող "ՎԱԶ-2121" մակնիշի ավտոմեքենայով դիակը տեղափոխել է "Սպիտակ ջուր": Հափշտակված գումարի մի մասը` 2 մլն դրամը, հայտնաբերվել եւ առգրավվել է: Իսկ ահա մեր ձեռք բերած տեղեկությունների համաձայն, համալսարանի դեկանը, ով Աղինյանին փող է պարտք եղել, զանգահարել է նրան եւ հետաքրքրվել` 20 հազար դոլարի չափ դրամ կունենա՞: Ի դեպ, սպանվածի հեռախոսին ստացված վերջին զանգն էլ հենց Ճաղարյանից է եղել: Վերջինս խոստացել է նաեւ իր պարտքը վերադարձնել: Հետո պայմանավորվել են հանդիպել: Ճաղարյանն Աղինյանին առաջարկել է մեքենա նստել` պատճառաբանելով, թե չի ցանկանում, որ ուրիշները նկատեն իր մոտ եղած մեծ գումարը: Հետո սպանել է նրան ու դիակը թողել "Սպիտակ ջուր" լճում: Իջեւանցիների շրջանում վարկած է շրջում, թե նա միայնակ չի եղել, սակայն որոշել է մեղքն ամբողջությամբ իր վրա վերցնել: Սպանությունից հետո, ասում են, դեկան Ճաղարյանը ներկայացել է կուսակցական ժողովին, քանի որ Հանրապետական կուսակցության Իջեւանի կառույցի ղեկավար անդամներից է: Դրանից հետո էլ աշխատավայր է ներկայացել, որտեղ աչքի է ընկել բարձր տրամադրությամբ: Ու հենց համալսարանում իրավապահները ձերբակալել են նրան: Բայց մինչ այդ Ճաղարյանը հասցրած է եղել ավտոմեքենան լվանալ տալ ավտոլվացման կետում: Այստեղի աշխատակիցները նույնպես հարցաքննության են կանչվել: Ի դեպ, մեր ստացած տեղեկությունների համաձայն Իջեւանում, մասնավորապես դասախոսները, տնտեսագիտականի դեկանի մոտ վերջին շրջանում տարօրինակություններ են նկատել: Իսկ ինչ վերաբերում է նրա կատարած սպանությանը, ապա դրանից հետո նա շատ մարդկանց է պարտքը վերադարձրել: Իսկ պարտքուպահանջ, ասում են, շատերի հետ է ունեցել:

1 comment:

reading_is_dangerous said...

The bad guys never hesitate.